نموذج العمل التجارى - Business Model Canvas

1- من حوالى 100 سنه جامعة هارفارد حطت أول منهج أكاديمى لدراسة إدارة الأعمال ولغاية دلوقتى العلوم الادارية بتركز على إدارة المشاريع وتطويرها وحل المشاكل وكذلك الإدارة المالية بتدور على سبل تأمن بيها الموارد المالية عشان تكبر المشروع وغيرها.

2- مع التطور اللى حصل فى شكل المشاريع بدأت تظهر الشركات الناشئة أو الـ Startups ودى ببساطه بتشترك فى أنها تقدم منتج أو خدمة جديدة أو دخول جديد فى السوق .. هنا حصل فجؤة بين علم إدارة الأعمال مكنش جاهز يقدم أدوات تساعد رواد الأعمال عشان يسأسسو شركاتهم .

3- عشان كده ظهرت أداة مخطط نموذج العمل التجاري Business Model Canvas واحدة من أهم الأدوات اللى بتساعد رواد الأعمال عشان يخططو لمشاريعهم وشركاتهم الناشئة ع الورق وبالأرقام قبل ماينزلو السوق.

4- اللى ابتكرو مخطط نموذج العمل التجارى (أليكس اوسترفالدر Alexander Osterwalder وإيف بينورYves Pigneur) وألفو كتاب Business Model Generation سنه 2010 وأترجم لعدة لغات منها العربية.

5- باختصار شديد المخطط ده طريقة بصرية بتستخدمها أثناء مرحلة التخطيط للمشروع عشان تحاول تتجنب الأخطاء قدر الإمكان .. يعنى ببساطه المشاريع التقليدية مش محتاجة منك أنك تضيع وقت فى تخطيط بقدر ماهو محتاج منك دراسة جدوى اقتصادية سريعة أما المشاريع اللى فيها ابتكار بتحتاج منك تخطيط لفترة كبيرة قبل ماتوصل لمرحلة دراسة الجدوى.

6- زمان عشان تطلع مشروع للنور كنت بتعمل دراسة جدوى وبعدين خطة عمل وتقدمها لمستثمر وتاخد التمويل .. دلوقتى مع الشركات الناشئة والأفكار الابتكارية أنت محتاج تعمل مخطط نموذج العمل التجارى وبعده خطة العمل ودراسة الجدوى ..
-- دراسة الجدوى هدفها أنك تجاوب ع سؤال لو المشروع اتنفذ بالامكانيات المتاحة حاليا هكسب ولا هخسر؟ وهكسب بعد قد ايه ؟
-- مخطط نموذج العمل هدفها أنك تحاوب على سؤال أنا هقدم ايه ولمين؟

7- من غير Business Model Canvas مش هتقدر تعمل خطة عمل صحيح وبده بيترتب عليه دراسة جدوى غير صحيحة.

8- مخطط نموذج العمل التجاري ينقسم إلى تسعة مكونات رئيسة (هشرحهم بالتفصيل ف بوست منفصل) وهي:
1- القيمة المقترحة أو العرض المقدّم Value Proposition
2- شرائح العملاء أو الزبائن Customer Segments
3- قنوات التوزيع Channels
4- العلاقة مع العملاء Customer Relationship
5- مصادر الإيرادات Revenue Stream
6- الموارد الأساسية Key Resources
7- الأنشطة الأساسية Key Activities
8- هيكل التكاليف structure Costs
9- الشركاء الأساسيون Key Partners

9- دى أمثلة على مخطط نموذج العمل التجارى لشركات شهيرة هتساعدك تفهم أكتر :D
الشركات هى جوجل - فيس بوك - تويتر - سكايب - كوكاكولا - فليكر - فيزا وغيرهم