حبه اجايل (الجزء التالت)

كنت كتبت مقالتين قبل كده عن الـ agile بعنوان حبه اجايل تقدر ترجعلهم من هنا :
- المقالة الاولى : http://bit.ly/1WT0oiR
- المقالة التانية : http://bit.ly/1Z6tCZz

** دى المقالة التالته فيها شوية معلومات أكتر عن الأجايل ^_^

1- الأجايل بتعتمد عن أنك تحاول تقسم أى مشكلة عندك لحاجات صغير ع قدر متقدر: ببساطة لو اطلب منك مشروع كبير مش هتقدر تسلمه خلال اسبوع أو اتنين عشان كده حاول تقسم شغلك لتاسكات بسيطة بقدر المستطاع عشان تقدر كل اسبوع تكون انجزت حاجات فى شغلك وتسلمها.

مثال : لو هتبنى ويب سايت لعميل هتقسم الشغل لحاجات بسيطة زى الصفحة الرئيسية وتسجيل بيانات الاعضاء وتسجيل الدخول وباقى الصفحات ولوحة التحكم والميل بوكس .. الخ).

2- كمان الأجايل بتقولك اهتم بالحاجات المهمة وفكك من الباقى :D : بمعنى أنه العميل او المدير بتاعك مش مهم عنده الـ Documentation بقدر مايشوف فيه Features شغاله قدامه .. المهم انك تركز تخلص شغلك وتطلع منتجك وبعدين تعمل الـ Documentation اللى يتعبر مميزة اضافيه لدعم وشرح الوفت وير عشان تقدر تسلم فى مواعيدك قبل الديدلاين

3- الأجايل بتقولك اعمل تيست كل فترة للسوفت ويربتاعك ع قد متقدر(Y) : كل مايكون التيست فى فترة قليلة كل ماتكون الـ bugs اللى عندك اقل وتقدر تصلحها .
سؤال : لو بتبنى سوفت وير لشركة هل الأفضل أنك تعمل تيست للسوفت وير كله مرة واحدة ولا أنك تعمل تيست لكل مديول لوجده ؟
الاجابه : أكيد انى اعمل تيست لكل مديول لوحده لانه الاخطاء هتبقى قليلة وهقدر اصلحها وعندى وقت . عكس لو عملت تيست للمشروع كامل هيكون فيه اخطاء اكتر بكتيير وهيبقى صعب اصلحها بالاضافه لانه مش هيكون فيه وقت.

4- من أولويات مبادىء الأجايل هيا ارضاء العميل : وده عن طريق التسليم المبكر بشكل مستمر قبل الديدلاين لحاجات شغاله فعليا فى السوفت وير الخاص بالعميل .. كمان خلى العميل شغال معاك قوله أنت بتعمل ايه بالظبط عشان يعرف أنك شغال ويشوف نتيجة شغلك.

5- كن مستمع جيد وخد الفيد باك من العميل : كل اسبوع لازم تسلم العميل شغلك وتشوف رأيه ايه .. ده ببساطة عشان تعرف العميل راضى عن شغلك وأنت ماشى صح أو لا .. لو عاجبه شغلك يبقى أنت ماشى صح وكمل بقلب مطمن لو مش راضى هتبدأ تشوف ايه المشاكل وتعالجها.. زمان فى الـ Waterfall بعد ماكنت تتعب بالشهور فى شغلك يجى العميل يقولك مش ده ومش عاوز ده وده ملهوش لزمه والمفروض كنت عملتلى كذا وكذا ..

6- الناس اللى شغال بالأجايل بتحس نفسها مسئول فى مكان : لازم اسلم شغلى فى الوقت المحدد لازم اورى العميل شغلى والتقدم اللى وصلتله وأنا دفعت فلوسك فين بالظبط .. فيه ناس مبتحبش كده لأنه كل المعلومات بتكون واضحة للعميل ولكن ده الافضل .

7- الأجايل معروف أنها شغال بناء على خطط مش عشوائية: التخطيط هو عباراة عن رحله طويلة لو خططتلها صح هترتاح وهتكون شغال بشكل منظم .. بدل مابتستخدم To Do List بتستخدم Master Story List و User Stories

8- الـ Master story list شبه الـ To Do List .. بتشمل كل الـ Features اللى طلبها العميل فى المشروع .. بتطلب من العميل يرتبها ع حسب الأهمية اللى هو شايفها وأنت كمبرمج وفريق مطلوب منكم تخمنو الوقت المناسب Estimate لكل الـ user stories دى اول حاجة فى التخطيط لمشروعك.

9- بعد ماعرفنا الـ user stories وخمنا الـ Estimate بنقسم شغلنا لـ Iterations وده فترة زمنية ممكن أسبوع أو 15 يوم أنا هقدر انجز فيهم كام user story وبتاخدهم ع حسب الأهمية.

10- بعد أول Iteration من شغلكم أنت والفريق بتاعك بتحددو حاجة اسمها Team Velocity وده بتحدد قدرتكم وسرعتكم تنجزو قد ايه من شغلكم . Velocity تعتبر مؤشر للتوقع هتقدرو تنجزو قد ايه فى الفترة اللى جايه اللى بناء عليهم هتحددو عليها باقى الـ Iterations وكمان عشان تعرف العميل هتقدرو تنجزو قد ايه الفترة اللى جايه ويكون فيه honest plan للعميل يوافق عليها أو لا .

11- فى بعض الاحيان بيتطلب منك شغل أكتر بكتيير من اللى تقدر تعمله فى الحالة دى بتعمل الأقل فى الوقت وده اسمه Flexible on Scope المرونة فى الشغل عشان تكون ماشى مع الخطة والمواعيد.

12- الواقع بيتخلف عن الخطة .. من مميزات الأجايل هو الخطط المتغيرة Adaptive Planning أنت تقدر تغير الخطة مع العميل من جديد لأنه شغال معاك من اول يوم وعارف كل خطوة بتعملها والمشاكل اللى قابلتك ولذلك القرارات فى تغير الخطط مش هتكون صعبة بالاتفاق مع العميل .. فى الأجايل مفيش حاجة اسمها العمل على خطة ثابتة سواء كانت مناسبة أو مش مناسبة فيه تغييرات بتحصل وبناء عليه لازم يكون فيه خطط متغيرة.

13- خليك صادق فى كلامك Done Means Done خلصت يعنى خلصت . من أكتر الحاجات اللى بتضايق العميل والمدير أنك تقول خلصت وأنت لسه مخلتصتش وبعد فترة تيجى تقول لسه متعملتش :3 .. مثلا لو المبرمج بعتلك الكود وأنت تيستر مينفعش تقول Done عشان تريح دماغك وبعد ماتروح للعميل يقول فيه bugs .

14- طول مانت شغال أجايل لازم تقبل بالتغير: المتطلبات دايما بتتغير وطبيعة الشغل بتتغير مبرمج بيروح ومبرمج بيجى ومبرمج بياخد اجازة .. فلو شغال بخطة عمية هتتعب فى المشروع خلى دى قدام عينك "لما الواقع يتعارض مع الخطة غير الخطة مش الواقع"

15- دايما افتكر الـ 3 قواعد دول فى الشغل :D ( مش هتقدر تعمل كل حاجة من البدأية - المتطلبات تتغير دايما - الوقت دايما ضيق بين المطلبات الاساسية والموراد قليلة)

16- الأجايل عباراة عن ممارسات عامة فى تطوير البرمجة ومن أكتر المنهجيات المستخدمة scrum و xp وكل منهج فيه ليه قواعد معينة بيستخدمها فى سير مشروع الأجايل .. فيه حاجات ثابتة وكل منهج بيضيف قواعد هو شايفها أنسب .. فأنت ممكن تدرس الأجايل بشكل عام وبعدين تحدد المنهج الأنسب ليك ومتوافق مع تفكيرك.