الـ Agile بتقولك اوعى تشتغل بالكلام ده (الجزء التانى)

1- Customers know exactly what they want

 العميل بتاعك عارف هو عاوز ايه بالظبط وعارف كل المميزات اللى هو عاوزها فى السوفت وير .

2- Developers know exactly how to build it
 المبرمجين هما عارفين كل حاجة وازاى هيتم بناء السوفت وير بنسبه 100% ومفيش مشاكل هتقابلهم .

3- Nothing will change along the way 
مفيش اى تغييرات هتحصل على المدى البعيد , سواء فى التحليل او مميزات البرنامج او حتى فى التيم اللى هيشارك فى بناء السوفت وير .

** الـ Agile بتقولك ده اللى بيحصل بشكل حقيقى اثناء الشغل وبتعرفك ازاى تتلاشى

1- Customers discover what they want when theysee/experience it
 العميل بتاعك بيكتشف حاجات جديدة ومميزات جديدة عاوزها واخطاء فى الـ Business Logic بتاع السوفت وير لما يبدأ يتعامل مع السوفت وير ويدخل داتا .

2- Developers discover how to build it when they build it
المبرمجين ممكن يكونو محترفين فى المجال بتاعهم وليكن الـ .NET , بس السوفت وير فيه جزئية خاصه بـ Image processing أو Networking بس هما معداش عليهم قبل حاجة زى كده ولا يعرفو APIs اللى ممكن يشتغلو بيها فممكن يأجلو الحاجات اللى مش عارفينها لبعدين وهيبقى ليها حل , هنا ف الاجايل فيه حاجة اسمها Slack (يعنى وقت عشان تدور على حلول للمشاكل اللى بتقابلك وطرق حلها) وبتحددلها Estimation معين اثناء الـ Iteration , المبرمجين هنا هيبدأو يتعلمو هيا الحاجات اللى مكنوش عارفين نشتغلها او هنعملها ازاى .

3- Many things change along the way
 حاجات كتيير هيحصلها تغيير اثناء البروجكت نفسه , يعنى مثلا بعد ماتطلع اول Release للسوفت وير العميل هيكتشف حاجات فيها مشكلة او عاوز مميزات جديدة , او مثلا فيه مشكلة فى الـ Usability هو عاوز يسرع السوفت وير ويخليه اسهل فى الاستخدام , ممكن كمان يحصل تغيير فى التيم نفسه حد يحصله مشكله او يتعب او يبعد عن البروحكت خالص , او يحصل تغيير فى البيئة اللى التيم شغال فيها يعنى كهرباء بتقطع او نت فاصل إلخ.

** الصورة اللى قدامك دى بتوضح استخدام مميزات البرنامج من قبل العميل او الشركه 

- هتكتشف ان العميل بيستخدم حوالى 20% من مميزات البرنامج دايما او غالبا , و80% من مميزات العميل مش بيقرب منها او نادرا مابيستخدمها .

- ده راجع لعده اسباب فى تفكير العميل منها :-

1- مفيش ثقة بين العميل والمبرمج : عشان اول مره يتعاملو , يعنى هو لو طلب منك تعمله الـ 20% دول وجيت بعدها بفتره طلبت منه شوية تغييرات او تضييف مميزات جديدة هتواقف كمبرمج او لا , لو بقى فيه ثقة بينكم ممكن يطلب ال، 20% ويأجل الباقى لما يحتاجهم .
2- السعر : لو طلب منك تعمله 20% هتقوله مثلا 2000 جنيه , طيب لو عاوز اضيف حاجة جديدة او اعدل هتطلب منى كام ؟ ساعتها بيخاف تغلى عليه السعر خصوصا انه كده بقى تحت ضرسك والسوفت وير اشتغل .
3- ممكن يكون عاوز يريح دماغه ويخلص السوف وير لوكشه واحده : عشان ميوجعش دماغه .
4- الوقت : ممكن يشوف انه لما يبدأ يطلع Release بـ 20% ويشتغل بيهم , هيضيع وقت كبير لو حب يعدل او يضيف مميزات جديدة مع الوقت او بمعنى اخر هيكسل .
5- الشغل بالقطعه: ممكن يشوف موضوع انى اضيف كل شوية ميزة جديدة يبقى كده شغل بالقطعه .
6- الثقافة نفسها : هو لو طلع الـ 20% اللى يشتغل بيهم بشكل دائم هيوفرلى فى الوقت والفلوس والجود بتاعت السوفت وير هتبقى احسن .