أشهر مجالات الأوراكل اللى ممكن اتعلمها واشتغل بيها

- زمان الشركات عشان تحتفظ بالمعلومات كانت بتستخدم النظام الورقى وتحط الورق ف ملفات وتعمل قسم خاص بالارشيف بس لما كنت بتحاول تدور على معلومة كان بيبقى صعب الوصول ليها وبتاخد وقت كبير .. مع التطور اللى حصل وظهور الكمبيوتر ظهر مصطلح جديد اسمه Database يعنى بدل مانحتفظ بالمعلومات على ورق لا هنحتفظ بيها على الكمبيوتر وده ليه مميزات كتيير منها سهوله وسرعة ف الاستعلام عن المعلومات ومش هتاخد منك مساحة كبيرة بالاضافة إلى انك تقدر تاخد نسخ من المعلومات والبيانات دى بسهوله ولكن كان فيه مشكلة ان المستخدم النهائى او الـ End User مكنش هيعرف يعمل Statement زى الاستعلام والاضافة والتعديل والحذف لانه مدرسهاش قبل كده وده دعى لظهور مصطلح جديد وهو الـ Interface اى الشاشة أو الواجهة الرسومية اللى بتظهر للمستخدم مجموعة من الزراير عشان تسهل عليك عملية الادخال والاستعلام والاضافة والحذف ولكن يبقى عملية الربط او Connect بين الـ Database و Interface وده من خلال لغة برمجة PL/SQL

- Oracle Developer
محتوى الكورس 4 اجزاء ( SQL - PL/SQL - FROMS - REPORTS ) ووظيفته الاساسية تصميم وانشاء البرامج
- اذن كورس Oracle Developer هيخلينى اعمل برنامج كامل لشركة أو أى مؤسسة وعشان اعمل البرنامج هستخدم
1- SQL عشان اعمل قاعدة البيانات
2- PL/SQL لغة البرمجة اللى هعمل بيها ربط بين قاعدة البيانات والشاشات
3- FROMS التول اللى هقدر من خلالها انشاء الشاشات الخاصة بالبرنامج
4- REPORTS التول اللى هتخلينى اطلع تقارير مختلفة حسب مايطلب منك صاحب البرنامج او المدير بتاع الشركة

- بالنسبة للشهادات الخاصة بـ Oracle Developer 
فيه امتحان خاص بـ SQL وامتحان خاص بـ PL/SQL لو اخدت الامتحانين دول وعديت فيهم هاخد شهادة اسمها OCA - Oracle Certified Associate
ودى يعنى لسه مبتدىء فى اوراكل
فيه امتحان خاص بـ FROMS لو عديته هتاخد شهادة تانية OCP - Oracle Certified Professional ودى معناها انك بقيت ديفلوبر محترف معتمد من شركة أوراكل

بعد مالراجل الديفلوبر عمل البرنامج تمام التمام وسلمه للشركه هتبدأ الشركة تحط البيانات ف البرنامج وتشغله ولكن ظهرت مشكلة تانية فرضنا بعد مرور شهر او اتنين الويندوز وقع أو حصل فورمات للهارد بالتالى هتكون كده كل البيانات بتاعت الشركة ضاعت ده أدى لظهور مصطلح جديد او وظيفة جديدة Database Administrator وده هو الشخص المسئول عن الداتا بيز وده طبعا ليه تراك كامل من أوراكل

 Oracle DBA - Database Administrator
محتوى الكورس هيكون (SQL - WORKSHOP I - WORKSHOP II )
الشخص ده بيكون مسئول عن الداتا بيز يعنى بيكون مسئول عن تسطيب الداتا بيز على الاجهزة سواء كان نظام التشغيل ويندوز أو أى توزيعة من لينكس وعشان يعمل Recovery للداتا بيز اللى كانت موجودة لازم يبقى على دراية بـ SQL
بالنسبة لـ WORKSHOP I بتدرس فيها الـ Performance بتاع الاجهزة بتاعتك يعنى تشوف الرامات والبرسيسور عشان الجهاز ميهنجش ويحصل مشاكل وكمان سرعة الداتا بيز يعنى لما تستعلم عن حاجة معينة بترجعلك بعد مدة قد ايه
بالنسبة لـ WORKSHOP II بتدرس فيها موضوعات متقدمة شوية زى الـ backup انك تاخد نسخة احتياطى من قاعدة البيانات عشان لو حصل حاجة زى الويندوز وقع تقدر تستخدم الباك اب بتاعك .. وكذلك الـ Recovery لو حصل فقدان ف الداتا بيز تقدر ترجعه

- شهادات الـ DBAOracle DBA Certified Associate
Oracle DBA Certified Professional

- Oracle ERP - Enterprise Resource Planning
ده عبارة عن سلسلة برامج جاهزة شركة أوراكل طرحتها فى السوق عشان أقدر من خلالها ادير المنشآة أو الشركة بتاعتى وأشهر البرامج دى Oracle Financial


- Oracle HRMS - Oracle SCM هحاول اوضح كل واحد ع السريع

- بالنسبة لـ Oracle Financial
ده برنامج بيغطى الادارة المالية الخاصة بالشركة , لو أنا شركة عاوزة استخدم البرنامج ده هكلم شركة أوراكل عشان تبعتلى مندوب عن شركات عمل الـ Implementation عشان تدرس الاحتياجات بتاعتى شركتى ويظبطلى البرنامج لانه البرنامج صالح لكل أنواع المحاسبة الموجودة فى العالم , بالنسبة لمحتوى الكورس
1-General Ledger
ده اللى هيعرفك اذا كانت الشركة بتكسب ولا بتخسر عن طريق القيود اللى بتيجى من باقى المديولات
2-Account Payable
ده المسئول عن عمل فواتير الشراء وده بيعمل قيد اوتوماتيكى بيروح لـ GL
3-Account Receivable
ده المسئول عن عمل فواتير البيع وده بيعمل قيد اوتوماتيكى أيضا بيروح لـ GL
4-Fixed Asset
وده خاص بدراسة الاصول الثابتة الخاصة بالشركة من اثبات للاصول واهلاكها
5-Cash Management
ده خاص بحركة الشيكات تحت التحصيل واثباتها فى ميعاد صرفها او تحصليها
6-Tax
وده خاص بحاسب قيمة الضرائب المستحقة على الشركة

- بالنسبة HRMS - Human Resource Management System
ده برنامج بيهتم بشئون الموظفين وبياناتهم الاساسية من اول ماشتغلو فى الشركة بالاضافة ‘إلى المرتبات والاجازات وغيرها

- بالنسبة لـ SCM - Supply Chain Management
فده برنامج خاص بمبيعات ومشتريات ومخارن الشركة
بالنسبة للشهادة هتاخد شهادة Oracle ERP Certified Expert



مصادر عشان تتعلم منها - شرح SQL : من هنا أو من هنا
- شرح PL/SQL : من هنا أو من هنا
- شرح FORMS : من هنا أو من هنا
ِ- شرح REPORTS : من هنا أو من هنا
- ده كورس Oracle Developer كامل من هنا

- شرح DBA - من هنا أو من هنا أو من هنا

- شرح Oracle ERP Financial من هنا أو من هنا

- شرح Oracle ERP HRMS من هنا أو من هنا

- بعد متخلص مذاكرة أى تراك من دول وحبيت تمتحن الامتحان الدولى عشان تبقى معتمد من أوراكل هتحمل برنامج اسمه Visual CertExam Suite
وحاول تدورله ع سريال أو كراك عشان تفعله وبعدين تدخل على موقع أوراكل الرسمى وتشوف الكود بتاع الامتحان اللى انت ناوى تمتحنه وبعدين تدخل على موقع من الاتنين دول www.examcollection.com أو www.exam4all.com وهتدور على كود الامتحان اللى انت ناوى تمتحنه هتحمله وتفتح بالبرنامج اللى حملته وهتدرب بقا ع الاسئلة كتيير عشان تبقى جاهز تحجز الامتحان وتاخد الشهادة

- طبعا فيه مجالات تانية كتيير من شركة أوراكل اقدر اشتغل بيها زى oracle appliction server وأنظمة التشغيل و لغة البرمجة Java بعد ماشترتها شركة أوراكل من شركة صن ميكروسيستمز وان شاء الله هشرح أهم المجالات اللى ممكن اشتغلها من خلال الـ Java فى بوست قريب