الوظائف اللى بتبقى طالبها الشركات وازاى تختار المجال المناسب ليك

- المفروض أنت بتكون مقرر انك هتكمل فى مجال معين زى البرمجة أو الويب أو الداتا بيز أو الشبكات وده بتختاره على حسب ميؤلك أنت ومن خلال المحطين بيك مقدرش اقولك اشتغل فى ده أو ده ممكن تقرأ ده جايز يساعدك

الوظائف اللى بتبقى طالبها الشركات وازاى تختار المجال المناسب ليك

- خلاص أنت اختارت المجال , ببدأ اجمع معلومات عنه ياترى ايه المطلوب منى عشان ابقى كويس فيه , طيب شغله فى شركات عامل ازاى , طيب هل فيه شهادات معتمدة ممكن اخدها , طيب المستقبل ليه , طيب هبدأ المادة العلمية من فين لفين وبعد مخلص هعمل ايه وهكذا برسم خطة بالورقة والقلم للى هعمله واحط فترة زمنية من إلى .

- خليك مقتنع باللى بتعمله متخليش حاجة توقفك زى الاحباط أو انه المجال ده صعب عليك أو غيره اتعب واسعى وربنا هيقف جنبك .. لانك ممكن ببساطة بعد ماتكون مشيت سنة فى مجال معين تبدأ من نقطة الصفر تبقى ضيعت جهد ووقت وفلوس كمان .

- أفضل طرق التعلم هيا الـ Self-Study يعنى علم نفسك بنفسك ,, ابدأ اسال الناس اللى اشتغلت فى المجال ده ايه الكورسات المطلوبة منى ,, وكمان رشحولى كورسات معينة ابدا بيها ,, تبدأ تشوف فيديو فيديو وتطبق على الكلام اللى فيه ,, فاهم كويس استمر وممكن تقرأ كتاب كمان عشان تزود بيه معلوماتك .. لو مش فاهم من الفيديوهات ممكن تاخد كورس فى سنتر محترم مش عيب وامشى معاه واسال وافهم وعافر .

- بعد متخلص الكورس او مذاكرة مع نفسك مش هتبقى فاهم بنسبة 100% ده طبيعى .. حاول تعمل مشاريع بنفسك وابدا بمشاريع صغيرة مش قادر تبنى مشاريع بنفسك شوف أى كورس على النت بيطبق مشروع وامشى معاه من البداية للنهاية وكمان ممكن تحمل أكواد جاهزة شوفها ماشية ازاى وامشى معاها مصيرك هتتعلم تعمل حاجة بنفسك .

- متكتفيش بكده حاول تاخد Certified من الشركة اللى انت بتذاكر حاجة تبعها زى ميكروسوفت أو أوراكل أو سيسكو وغيرها معكش فلوس أو مش قادر مفيش مشكلة المهم تكون فاهم كويس وتعرف تسد فى اى انترفيو زيك زى الـ Certified واحسن كمان .

- شوف منح وكورسات مجانية زى اللى بتقدم من معهد iti ومنح وزارة الاتصالات وقدم فيها هتغير حياتك جامد 

- شوف أى ورش عمل أو ايفنتات بتتعمل وروح احضرها .

- حاول تسوق نفسك بمعنى أعمل برامج أو مواقع تكون شكلها محترم وفيها أفكار مصيرك فى يوم هتدخل انترفيو وهتتسال أنت بتعرف تعمل ايه أو عملت ايه 

- اى استفسار بخصوص الويب أو البرمجة أو الداتا بيز أنا معاك ابعته انبوكس وان شاء الله هساعدك وارشحلك ماتريال وافيدك باللى اعرفه.